Sur les tablettes d’Hipparchus ou mareschal de camp.[1]

Toutes choses sont nues & ouvertes à Dieu.

Un Hipparchus exerceant son office
Parmy le camp s’en va secretement:
Et d’un chacun le crime & malefice
Note à par soy, & lors incontinent
Escrit le tout en tables, tellement
Qu’il n’en omet un seul sans le punir.
Aussi noz maux passez & à venir.
Sont au Seigneur chose vieille, & cogneuë.
Il nous faut donc de pecher retenir
Puisque de tous les fais luy sont en veuë.

CEux qui se sont essaiés d’aneantir
par leurs disputes l’eternelle provi
dence de Dieu immortel, estimoient
qu’il n’y auroit chose plus convenable
pour attirer les autres à leur erreur que
de precher de tout leur pouvoir l’impu-
nité & franchise, à tous crimes, & qua
si par une espece d’utilité amieller l’in-
docte populaire. Car si la vertu divine
est estimée cligner les yeux aux méfais
& villenies des hommes: si elle ne se
meut point pour noz bienfais ou de-
merites: si elle ne se soucie des choses in-
ferieures: qui est celuy tant bien né, qui
avenant quelque facherie & trouble d’e-
sprit, n’enrage voluntairement, ou qui
ne soit épris de quelque volupté de pe-
cher? Car tout ainsi que Pythagoras
disoit, lors la pieté & autres vertus
dominer en noz espris, quand nous
nous adonnons aux choses divines:
aussi qui ne se metra voluntiers à mal
faire, quand il pensera que Dieu ne re-
  Link to an image of this page  [Q5r p249]guarde point noz actions? Pourtant
le saige Thales disoit, qu’il faloit que
tous estimassent que les Dieux reguar-
dent toutes choses: & que tout est plein
de Dieux. De quoy par necessité avi-
endra, que nous serons meilleurs, &
plus pres à toutes offices de vertu. Or
par ce que grande est la force de la con-
science (comme dit Ciceron) en toute
les deux parties, il avient qu’aux gens
de bien le souvenir de la vie bien me-
née est joyeux. Mais a ceux qui se seront
adonnés a mechanceté leurs fautes se pre
sentent devant leurs yeux, qui les guar-
dent d’aspirer l’air du ciel sans douleur &
crainte. Et ne se trouva jamais homme
tant insigne en mechanceté, qui ne crai-
gnit quelque chose de la vengence divi-
ne. Mémes celuy qui avoit spolié tous les
temples de Grece, nommé Dionysius,
étoit si troublé de ses crimes, qu’il esti-
moit le tourment jour & nuit étre de-
vant ses yeux. Et en céte dissolution de
méfais n’ota pas la providence divine.
Car apres avoir volé le temple de Locri,
navigeant heureusement à Saragose[2], dit
  Link to an image of this page  [Q5v p250]à ses amys, voyés vous comme les dieux
donent prospere naviguation aux Sa-
crileges. Et combien qu’il abusat de la
patience & bonté de Dieu à mépris, si
confessoit il une prescience, cure, & pro-
vidence de Dieu es choses humaines,
laquelle contient tout par sa grandeur.
Car non pourtant si les hommes diffa-
més par tous vices ménent heureuse
vie, faudra incontinent dire, que Dieu
tout puissant ne voit telle méchanceté,
ou qu’il ne s’en soucie.