
Ne s’accointer de plus
grands que soy.
12
Si tu te veux associer
D’un plus que toy autorisé,
En fin tu seras mesprisé:
Ne t’en vueilles doncq soucier.

Du Coq & du Cheval.
LE Coq de famine pressé,
Dans une estable s’en alla,
Pensant estre bien adressé:
Mais un Cheval il trouva la.
Lequel humblement il salue
Luy disant, Cheval de value
Icy suis venu à recours:
Pour recevoir de toy secours.
Souffre moy l’avoyne manger
Qui est esparse dessous toy,
Tu n’en auras mal, ny dangier:
Et si m’osteras hors d’esmoy,
Mais premier (pour plus grand fiance)
Nous deux ferons une alliance,
Link to an image of this page [C2r p35]Par laquelle m’accorderas:
Que sur moy tu ne marcheras.
Et je promets de mon costé
Que le semblable je feray,
Je te garderay loyaulté:
Dessus toy point de marcheray.
Et promets encor d’avantage,
Que (si je ne meurs avant aage)
Le bien que m’auras dispensé:
Te sera bien recompensé.
Le Cheval fier & glorieux
Respond lors. O coq insensé
Marche dessus moy si tu veux,
Point ne crains en estre offencé.
Car par trop mince est ta puissance
Pour me faire tort ou grevance,
Mais en mon pouvoir il est bien:
De te nuire ou faire du bien.
Ceste brusque & rude harengue
Avec ce rigoureux reffus,
Rendist le povre Coq sans langue:
Et en son coeur triste & confus.
Link to an image of this page [C2v p36]
Parquoy c’est chose fort louable
De s’accointer de son semblable.
Mais bien folz on repute ceux:
Qui s’accointent de plus grands qu’eux.
Iconclass Keywords
Relating to the image:
- agricultural products and by-products (with NAME) [47I17(HAY)] Search | Browse Iconclass
- barn [41A171] Search | Browse Iconclass
- bench [41A723] Search | Browse Iconclass
- farm (building) [41A17] Search | Browse Iconclass
- fowl (cock, hen, chicken, etc.) [34B232] Search | Browse Iconclass
- horse (with NAME of race or kind) [46C13141(...)] Search | Browse Iconclass
- stall, stable [47I2271] Search | Browse Iconclass
Relating to the text:
- Agreement, Unity; 'Concordia', 'Concordia insuperabile', 'Concordia militare', 'Concordia di Pace', 'Unione civile' (Ripa) [54E31] Search | Browse Iconclass
- cereal, grain, corn [47I111] Search | Browse Iconclass
- hunger [41C119] Search | Browse Iconclass
- Restriction, Limitation [51EE11] Search | Browse Iconclass
- social stratification, social groups [46A1] Search | Browse Iconclass
Hint: You can turn translations and name underlining on or off using the preferences page.