Discorde desole les royaumes & amoin-
drist les choses grandes.

Royaumes, provinces,
Empereurs, Roys, Princes,
Par division:
Hont confusion

LEs preux Romains dominateurs du monde
Bien prevoyants le mal pernicieux
Qui par discorde abominable abonde
Entre mortelz mutins & furieux:
Au temps passé firent peindre en maintz lieux
Un glaive nu brisant une couronne,
Laquelle maint Elephant environne:
Qui se transmue en petite formis.
  Link to an image of this page  [C8r p47]Puis d’un costé de ce glaive ilz ont mis
Un grand hanap duquel sort un flambeau:
D’autre costé un vaisseau comblé d’eau,
Monstrants icy deux sentences encloses:
C’est que discorde, avec division,
Met maint royaume en desolation:
Et amoindrist bien souvent les grands choses.