L’Aigle ha le coeur de si noble nature,
Qu’elle ne veult contre mouches contendre.
Bien les pourroit mettre à desconfiture:
Mais ce faisant, honneur n’en scauroit prendre.
Tout bon esprit en cecy peult comprendre,
Que contre gents de coeur pusillanimes,
Ne font efforts les hommes magnanimes:
Mais aux pareilz taschent livrer la guerre.
D’avoir vaincu gents de tous poinctz infimes,
L’on n’en pourroit, que deshonneur acquerre.