QUi d’un rasouer la roche cuyde fendre,
N’avance rien, fors que perdre son temps:
Et le filet du rasouer fin, & tendre,
Gaste du tout en maigre passetemps.
Sur ce notons, que noyses, ou contendz
Ne fault avoir, à gents plus forts que nous.
Le rasouer ha le taillant mol, & doulx,
La roche est dure, & forte à l’advantaige.
Contre plus forts (comme scavent bien tous)
L’on prend debat, à son tresgrand dommaige.