Louïs xi. de ce nom, Roy de France, institua l’Or-
dre saint Michel, lan 1469. auquel il ordonna pour
enseigne & Devise, à savoir un Colier d’or, fait à Co-
quilles lacees l’une à l’autre d’un double lacs, assizes sur
Cheinettes, ou maille d’or, au milieu duquel sus un Roc
auroit une image d’or de saint Michel, revenant sur le
devant. Et ce fit il (quant à l’Archange) en imitacion  ^[M]
du Roy Charles vii. son pere: qui en portoit desia l’i-

  Link to an image of this page  [b4r p23]

mage en son enseigne, mesmes en son entrée de Rouen.
A raison toutefois (comme lon dit) de l’aparicion saint
Michel sur le pont d’Orleans defendant la vile contre  ^[M]
les Anglois en un furieus assaut. Ce Colier donq de l’Or-
dre Royal, & Devise des Chevaliers d’icelui, est le sine
& vraye enseigne de leur noblesse, vertu, concorde, fi-
delité, & amitié. Gage, loyer, & remuneracion de leur
vaillance, & prouesse. Par la richesse & purité de l’or
duquel, est remerquee leur hautesse & grandeur, par
la similitude ou semblance de ses Coquilles, leur equali-
té, ou egale fraternité d’Ordre, (en ensuivant les Sena-
teurs Rommeins, qui portoient aussi des Coquilles es bras  ^[M]
pour enseigne, ou Devise,) par la double laçure d’icelles
ensemble, leur invincible & indissoluble union, & par
l’image saint Michel, victoire du plus dangereus enne-
mi. Devise donques instituee au soulas, proteccion, &
assurance de ce tant noble Royaume: & au contraire,
à la terreur, espouvantement & confusion des ennemis
d’icelui. Et pour laquelle Devise porter, fut arresté par
le Roy instituteur, que le nombre dudit Ordre seroit
acompli de trentesix Chevaliers: desquelz il seroit le
Chef. Dont il en nomma quinze sur l’heure, cy dessous
pour la memoire mencionnez, à cause d’avoir esté les
premiers. Premierement,
Le Duc Charles de Guienne.
Le Duc Jan de Bourbonnois & d’Auvergne.

  Link to an image of this page  [b4v p24]

Louïs de Luxembourg, Conte de Saint Paul, Connesta-
ble de France.
André de Laval, Signeur de Loheac, Mareschal de France.
Jan Conte de Sanserre, Signeur de Bueil.
Louïs de Beaumont, Signeur de la Forest & du Plessis.
Louïs Destoutevile, Signeur de Torcy.
Louïs de Laval, Signeur de Chatillon.
Louïs batard de Bourbon, Conte de Rossillon, Amiral De France.
Antoine de Chabannes, Conte de Dammartin, Grand maitre d’hostel de France.
Jan batard d’Armignac, Conte de Cominges, Mareschal de France, gouverneur du Dauphiné.
George de la Trimoille, Signeur de Craon.
Gilbert de Chabannes, Signeur de Curton, Seneschal de Guienne.
Charles Signeur de Crussol, Seneschal de Poitou.
Tannegui du Chastel, gouverneur des païs de Rossillon, & de Sardaine.

[Marginalia - link to text]Eng. de Monstrelet.

[Marginalia - link to text]Es faits de la Pucelle.

[Marginalia - link to text]Marc Aurel.