La Musique de sa nature est ennemie de Melanco-
lie: & par ainsi peut apaiser la fureur causee de me-
lancolie excedente. Comme elle peut aussi exciter l’as-
soupiment provenant de cette humeur melancoliq, suf-
foqué qu’il est & obrué de flegme. De laquelle maladie
Melanchthon dit avoir vù povre pacient, si fort assoupi

  Link to an image of this page  [g1r p97]

& endormi, qu’on n’en pouvoit tirer parole, fors que par
le jeu de la Harpe: au son duquel instrument, il levoit
la teste, se prenoit à rire, & respondoit à ce dont il estoit
interrogé. C’estoit donques grande afinité de la Musique
avec l’ame. Chose que fit entendre evidemment le Pro-  ^[M]
fete Helisee, qui pour revoquer son esprit profetique &
prier Dieu, (pour le secours de son peuple mourant de
soif) se fit amener un joueur de Harpe: & ainsi obtint
de la Divine bonté, selon sa peticion & prieres. Et quant
au parfaio Harpeur David, venoit il point à consoler  ^[M]
l’Esprit du Roy Saul, possedé du malin, vù que toutefois
qu’il touchoit devant lui, cessoit le mauvais de le tour-
menter? Cette armonieuse Musique donq participe de la
Divinité: vù que non seulement elle revoque la santé
es corps, mais davantage esleve l’ame à contemplacion,
la rend consolee, & celeste. Et pour autant est ennemie
des Diables, qui ne sont que desespoir, tristesse, frayeur,
& abimee desolacion. Au surplus comme en la Musi-
que, par voix diferentes se fait bon acord, ainsi entre
hommes de diverses complexions, & qualitez diferen-
tes, se peut faire & meintenir tresbonne Paix: agrea-
ble à Dieu, sur toutes choses.

[Marginalia - link to text]4. des Rois. 3. chap.

[Marginalia - link to text]1. des Rois. 16. chap.