Dionisius le Tiran, Roy Sicilien, voyant un jour un  ^[M]
sien flateur Boufon, nommé Damocles, qui le louoit mer-
veilleusement pour sa grande magnificence, opulence,
& de tout Royal apareil, jusques à dire qu’il l’estimoit
estre le plus heureus, que jamais homme n’avoit esté, se
print à lui respondre en telle maniere. Damocles puis

  Link to an image of this page  [i4r p135]

que tu prens plaisir à cette vie que je meine, veus tu es-
sayer ma felicité, & gouter de ma fortune? Oui, Sire,
dit Damocles: s’il vous plait. Alors le Tiran fit en grand
apareil acoutrer un beau grand lit d’or, couvert d’un ta-
pis de riche broderie: dresser force bufets parez de veis-
selle d’or & d’argent: tres ingenieusement gravee, &
faite par riche artifice, apres ordonna plusieurs beaus
jeunes pages se tenir autour de la table, ou Damocles
fut assis, prests à acomplir tout ce qu’il lui plairoit com-
mander. Davantage estoient mises senteurs, chapeaus
de fleurs, & force perfums odoriferans. La table cou-
verte de viandes delicieuses: par moyen qu’en telle sor-
te s’estimoit Damocles le plus heureus du monde. Jus-
ques à ce que le Tiran commanda qu’une trenchante
Espee toute nue, fust pendue au plancer, tenant seule-
ment à un poil de queue de Cheval, la pointe droit sur
la teste de ce bienheureus Boufon. Lequel se voyant
adonq si proche de tel eminent danger, se desgouta de
toute cette Beatitude: n’ayant plus le regard tendu à
contempler la beauté de ces beaus jeunes pages, ny au
grand artifice de la veisselle Royale, lui fachant aussi
toute viande. Tellement que les chapeaus de fleurs lui
tomboient par terre, tant que finablement il pria le Ti-
ran, de lui donner congé de quitter tel jeu, ne voulant
plus estre Bienheureus en cette façon. En quoy ledit Ti-
ran assez declairoit, qu’il n’y ha aucune Beatitude, là
  Link to an image of this page  [i4v p136]ou tousjours est creinte presente. Quand principalement
elle est entendue de la dangereuse Espee de vengeance
Divine: pendant tousjours à un bien petit filet, sur les
miserables pecheurs.[1]

[Marginalia - link to text]Cicero.