Ainsi qu’une Souche creuse & embrasee par de-
dens, est chose bien à creindre, pour le danger du feu, du-
quel on ne se donne garde, pour n’y en voir aucune apa-
rence en dehors. Aussi es viles & citez, sont les inte-
stines entreprinses, conjuracions, & sedicions plus à crein
dre, d’autant qu’elles sont plus ocultes & couvertes. Car
à telles choses, est bien dificile de remedier: que premie-
rement n’en sorte tresgrand danger, & inconvenient à
la Republique. Cette Devise aussi, se pourroit entendre
d’un Amour secret, & couvert: qui est pareillement
chose fort ardente: & souvent de grande consequence.