Sur l’avenement d’Auguste Cesar à l’Empire, apa-
rut à Romme (selon Pline) à l’environ du Soleil, comme  ^[M]
une Coronne d’estoiles, ou d’espics de Blé: ensemble des
Cercles de diverses couleurs. Vray est que Suetone fai-  ^[M]
ant mencion de tel sine, ne parle que d’un Cercle seule-
ment, en semblance de l’Arc-enciel: tenant toutefois
(ainsi que dessus) toute la rotondité du Soleil. Mais Dion  ^[M]
confirmant de plus pres l’opinion de Pline, dit (outre la

  Link to an image of this page  [k6v 156]

mencion qu’il fait d’une Estoile non acoutumee, adonq
aparoissant) qu’il sembloit à voir, que la lueur du Soleil
se diminuast, & s’obfuquast: semblant encores qu’en
icelui fussent trois Cercles, l’un desquelz se demontroit,
comme environné d’espics de Froment. Et d’avantage
en autre lieu plus avant, dit encores ledit Dion, que le
Soleil (comme dessus) se diminuant & obfusquant, lui-
soit aucunefois la nuit. Tant y ha, apres toute opinion, que
du tems dudit Auguste, nasquit Jesuchrist notre Sau-
veur: vraye lumiere, & Soleil de Justice, duquel l’ave-
nement aportant es humeins toute abondance, pouvoit
aussi bien estre demontré par le témoignage des cieus,
que fust sa mort & passion, selon l’Evangile, auquel
tems le Soleil perdant sa clarté, se firent tenebres uni-
verselles. Et ne fait à esmerveiller, si les sines annonçans
la Nativité du fils de Dieu, ont estez observez des
Payens (en ignorance de lui neanmoins) & leur ont
esté admirables, vù que les prodiges apres témoignans
tant sadite passion que resurreccion, ils ont trouvé mer-
veilleus. Ce que furent les tenebres de sa mort à saint
Denis, estudiant lors avec Apollophanes son Precepteur
en Egipte.[1] Qui connoissant par son grand savoir le So-
leil s’estre obscurci outre Nature, se print (ainsi que dit
Suidas) à faire tel cri & exclamacion. Aut Deus Na  ^[M]
turae patitur, aut mundi machina dissolvitur.
Ou le Dieu de Nature soufre, ou la machine du monde

  Link to an image of this page  [k7r p157]

veut tomber en ruïne. Davantage quant au grand trem-
blement de terre, qui avint à sa resurreccion, Pline (si
bien lon considere la concurrence du tems) en peut avoir
assez apertement escrit en cette maniere: Maximus  ^[M]
terrae memoria mortalium extitit metus, Tiberii
Caesaris principatu xii Urbibus Asiae una no-
cte prostratis: Le plus grand tremblement de terre,
qui soit de memoire d’homme, est celui qui avint au tems
de l’Empire de Tibere: par lequel en une nuit, furent
ruïnees douze Citez en Asie.[2]

[Marginalia - link to text]Pline.

[Marginalia - link to text]Suetone.

[Marginalia - link to text]Dion.

[Marginalia - link to text]Suidas.

[Marginalia - link to text]Pline livre 2.