Captive Liberté.

Sortans du Senat les conjurez meurtriers de Jule Ce-  ^[M]
sar, aucuns d’entre eus portoient par Romme, le Cha-
peau sus une Lance (qui estoit le sine de Liberté), pour
estre lors la coutume de donner le Chapeau es Serfs, qui

  Link to an image of this page  [m1r p177]

estoient quites & francs, & en cette sorte iceus meur-
triers alloient par les rues, enhortans à repren
dre son autorité Civile. De maniere qu’ils cuidoient
adonq, estre en vraye Liberté: combien toutefois qu’il
leur en avint tout le contraire, vù que l’an ne fut pas passé,
qu’ils ne fussent tous perdus & tuez. Et par ainsi trou-
verent que la licence de commettre vices & meschan-
cetez en ce monde, que nous estimons Liberté, est en-
tierement Servitute.

[Marginalia - link to text]Appian.