Aujourdhui se retrouve encores de la monnoye an-
tique, qui (selon son inscripcion) ha esté batue au nom
de l’Empereur Vespasian, en laquelle est imprimee une
Devise d’un grand Palmier, chargé de fruit. Or est ce un
arbre provenant naturellement & abondant en Judee,
region qui aussi fut conquestee par le susdit Empereur.
Et pour autant le Palmier en cet endroit, pourroit re-
presenter tant ledit païs, que aussi pareillement la con-
queste & desolacion d’icelui.