La coutume des Rommeins estoit, que les habitans
& sugetz de leurs Provinces faisoient present à ceus
qui entroient nouvellement en ofices de Prefecture pe-
regrine, ou Prevoté & Presidence provinciale (pour
leur joyeus avenement) A savoir de sept solz par teste,  ^[M]
une Mote, ou Gazon de terre, une Clef, & une Basle
ou Sachet, de forme Sherique [=Spherique] . Le Gazon, en sine qu’il
failloit que le President devoit donner tel ordre, que les

  Link to an image of this page  [q4r p247]

vivres ne fussent chers: mais tenus à pris si raisonnable,
qu’il n’y survinst cherté, ny famine. Et davantage, que
icelui President se gouvernast si discrettement, à l’endroit
des sugetz, qu’il leur semblast avoir reçu de lui un champ,
pour une mote de terre. Le present de la Clef, la liberté,
l’autorité, & pleine puissance de jurisdiccion. Et la Bas-
le, representoit grande puissance: comme lon lit qu’A-
lexandre interpreta la sinificacion de la Basle, Boule,
ou Globe, qui lui envoya le Roy Daire: ou bien ladite
Basle montroit la totale aministracion du gouverne-
ment militaire.

[Marginalia - link to text]Code 12. livre tilt. de Praetor.