Switch to Dual Emblem Display

« Previous EmblemNext Emblem »
Link to an image of this page  Link to an image of this page  [I3r p133]

Temporis iactura. Ad pilulam.

Waste of time. To a little ball.

Two men are playing tennis. One of the men has two raquets.
[Click on image to enlarge]

Petit oesteuf, que te sert de tromper
Les jeunes gens qui te suyvent sans cesse:
Leur donne-tu ou la force ou l’addresse,
Ou un present dont ils puissent user?
Encependant que d’un bras roidement
Tu es poussé avecque la raquette,
Fuis tu dehors la place qu’on a faicte,
De ta vertu usant tant seulement?
Avec plaisir on te prend en la main,
Estant trouvé on te repousse encore:
Tu vas & viens or’ d’un costé, & ore
Link to an image of this page  Link to an image of this page  [I3v p134]Tu t’en revas par le mesme chemin.
Tu n’as point craint promettre guarison
A un malade au danger de sa vie:
Et toutesfois tu donnes maladie
A l’homme sain luy gastant la raison.
Tu pers l’argent, tu prens triumphamment
L’honneur d’autruy, à toy fable & frivole,
Et le neant d’une feincte parole
Par un bon droict t’appertient seulement.
Ainsi jadis le droict ne fut donné
Au jeu de palme, ainsi tu n’avois garde,
O tripotier, d’avoir ta main pillarde
Plaine du gaing par abus ordonné.
Ren doncq le temps à ceux qui l’ont perdu
En regardant de moindrir la despence.
Du bien jamais tu n’ayes jouissance
D’estre porté dedans l’air estendu.

« Previous EmblemNext Emblem »

Related Emblems

Iconclass Keywords

Relating to the image:

Relating to the text:

Hint: You can turn translations and name underlining on or off using the preferences page.

 

Back to top