Switch to Dual Emblem Display

Link to an image of this page  Link to an image of this page  [n6r p203]

APRES LA MORT MA GUERRE ENCOR ME SUYT.

CCCCLVI [=CCCCXLVII] .

Si tu t’enquiers pourquoy sur mon tombeau
Lon [=L’on] auroit mys deux elementz contraires,
Comme tu voys estre le feu, & l’eau
Entre elementz les deux plus adversaires:
Je t’advertis, qu’ilz sont tresnecessaires
Pour te monstrer par signes evidentz,
Que si en moy ont esté residentz
Larmes & feu, bataille asprement rude:
Qu’apres ma mort encores cy dedens
Je pleure, & ars pour ton ingratitude.

CCCCLVII [=CCCCLXVIII] .

Vouloir tousjours, ou le povoir est moindre,
Que la fortune, & tousjours persister
Sans au debvoir de la raison se joindre,
Contre lequel on ne peult resister,
Seroit ce pas au danger assister,
Link to an image of this page  Link to an image of this page  [n6v p204]Et fabriquer sa declination?
Seroit ce pas, fans [=sans] expectation
D’aulcun acquest, mettre honneur a mercy,
Ou bien jouer sa reputation
Pour beaucoup moins, qu’a Charles Landrecy?

CCCCLVIII [=CCCCXLIX] .

Flamme si saincte en son cler durera,
Tousjours luysante en publicque apparence,
Tant que ce Monde en soy demeurera,
Et qu’on aura Amour en reverence.
Aussi je voy bien peu de difference
Entre l’ardeur, qui noz coeurs poursuyvra,
Et la vertu, qui vive nous suyvra
Oultre le Ciel amplement long, & large.
Nostre Genevre ainsi doncques vivra
Non offensé d’aulcun mortel Letharge.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top