Link to an image of this page  [A1r p1] ANTUERPIAE,
EX OFFICINA CHRI-
STOPHORI PLANTINI.
M.D.LXIV.
CUM PRIVILEGIO.   Link to an image of this page  [A1v p2]

Regis privilegio cautem est, ne quis citra voluntatem Chri-
stophori Plantini imprimat, aut alicubi impressos importet,
venalesve habeat libros, quorum titulus est:

Emblemata, cum aliquot nummis antiqui operis, Ioannis Sambuci Tirna-
viensis Pannonii.

Ars poëtica Horatii, & in eam paraphrasis, & Commentariolum Joannis
Sambuci Tirnaviensis Pannonii:

Tomus primus Commentariorum in Claudii Galeni opera, medicorum prin-
cipis, complectens interpretationem Artis Medicae, & librorum sex De locis
affectis:

à die impressionibus absolutae intra sexennium. Qui secus faxit, tum
confiscationis librorum ipsorum, tum verò quinquaginta floreno-
rum poena, fisco Regio exsolvenda, multabitur: ut latiùs in Re-
gio diplomate expressum est. Dato Bruxellae V. Calend. Februarii.
Anno M.D.LIII. Signato

Fabri.

  Link to an image of this page  [A2r p3]

QUOD EMBLEMATUM,
quae ferè κατὰ πάρεργον operibus,
pro materiae locique ratione, or-
namenti atque varietatis caussa
inseruntur, genera sint tria, no-
tum est. Quroum exemplo quae praesertim
ad morum doctrinam pertinent, figuris qui-
busdam, poëtarum ut modo delectent, ma-
gisque accendant, obduci vera, involvique
solent, ut ὡς ἐν τύπῳ notae, ac signa ὁριστικὰ
sint, καὶ κατανοητικὰ. Nam τὸ ἐμβάλλεσθαι iniice-
re, ac proponere aliquid obscurius, quod ex-
plicationem, atque cogitationem requirat,
etiam Graecis significat, sed sine dubitatione,
aut interregatione meliùs fiunt, ac problematis
obscuriora, & dilemmatis, aenigmatis apertiora
videntur.
Symbola autem seu παράσημα, ipsae
rerum picturae, ac imagines dici, quasi tes-
serae, veriùs possunt: cognata haec tamen, &
vix, ut ἐικὼν, καὶ μεταφορὰ, dissident. Ac etsi
haec ut problemata universa constitui possunt:
trium tamen praecipuè sunt generum, quo-
modò & ipsorum expositio, & intelligentia.
Nam & de moribus, & natura, & historica,
fabulosaque, διὰ χαρακτηρισμῶν, καὶ συνθημά-
των commodè finguntur: sed imprimis vitam,
  Link to an image of this page  [A2v p4] ut historiae, volo erudiant, ut quemadmodum
illae sunt Philosophia ἐιδωλοποίος, ita haec in
oculos notis quibusdam incurrant, animumque
auditoris agunto, quod non secus, quàm Poë-
sis τὸ σύνολον τὰ λήμματα μίμησις ἐστὶ. Itaque te-
cta, arguta, iucunda, & variè significantia sint,
mutuoque illa tria genera vim, figurasque im-
pertiantur. Ipsa rerum simulachra si vulgaria
sunt, abditum innuant sensum, obscuriora,
non tamen κακόζηλα, aut κακόπλαστα, aut ἀπί-
θανα (cuiusmodi vel in Virgilio & Homero
diligentia conquiras, & Aristophane, qui nu-
bes inducit loquentes) doceant apertiùs, dum
analoga sint. Interpretatio verò, ut fabula-
rum, triplex adhiberi potest, eadem quip-
pe sedes, atque loci utriusque sunt. Siqui-
dem & μυθικῶς, & ῥητορικῶς & φυσιολογικῶς,
quò & ἀλληγορήματα pertinent, expositionem
admittunt: etsi non omnia tam latè pateant,
quoque sunt angustiora, hoc magis dele-
ctant, iudicioque & sapientia nituntur, ut
epitheses poëtarum propriae, & aptae, velut
σφραγίδες, & συγκαλλύμματα, ut Phalereus
appellat.

Non satis ergo vident, quid Emblema sit,
qui quasvis sententias, historias, fabulas vulgò
tritas, umbris figurarum, res eodem expri-
mentibus modo, aut quodlibet heroum di-
ctum lemmate informatum, emblema exi-
  Link to an image of this page  [A3r p5] stimant. Quis enim hoc pacto non poëta-
rum γνώμας, fabulas, exempla historiarum
omnia, proverbia, apophthegmata non suffi-
gurarit? Ut si semiputatam vitem, pro negli-
genti patrefamilias, muscam contra elephan-
tem pro temeritate, laterem lotum, pro ina-
ni labore, Curtii votum, Horatii factum pro
fortitudine, & quae huius generis de Vale-
rio, & aliis circunferuntur, adducam, nisi
aliquo adiuncto dissimulentur, & ἐιρωνικὰ
sint, quis miretur, aut laudem tribuat?

Quare selecta, & ὀγκώδη erunt, nec minùs,
quàm caecae, & singulares Aegyptiorum, &
Pythagoreorum illae notae mentem exerceant:
sed nec multitudine figurarum, pictorisque
magis artificio, quàm potestate has res me-
timur. Quamobrem in omnibus sit aliquan-
tum versatus, qui aptè παραδοξότερα commi-
nisci velit atque in rerum natura quorumvis
formam, caussas, proprietates, ac ipsam de-
nique εἰδωλοποιηκὴν teneat, si legi, atque po-
steritatem consequi iustam studet, necesse est:
nec sit stomachus, qui non quiddam, quod
sapiat, inveniat.

Caeterùm quid hoc in genere
argumenti adhuc quidam praestiterint, non
meum est pronunciare, nec parum praesti-
terint oportet, quòd quidam totos quadra-
ginta annos sua cudant, coquant, denique
  Link to an image of this page  [A3v p6] extrudant: nec diligentiam vitupero, πόνου
γὰρ χωρὶς οὐδὲν εὐτυχεῖ, ac scio Platonem octua-
gesimo aetatis anno suos dialogos non depo-
suisse: sed ista dico, ut τούτων ἡμετέρων ὠκυ-
τόκων dies ferè totidem cum illorum annis
conferam, meisque incultis, & ineptis ve-
niam impetrem benignam. Agnosco enim
quaedam esse vulgaria, sed aliter tamen ex-
posita, nec omnino diffido ex hoc numero
aliquot fore insignia, & luce, memoriaque
digna, si amicorum me iudicium non fallit.
Audiam igitur priùs quid alii de hoc meo
subito consilio, praeproperoque foetu senti-
ant: quòd si mihi bilem moverint, vel ani-
mum his collaudatis addiderint, meliora his,
& graviora quae in manibus habeo, absolvam.
Constitui enim, quae imitatione inter Home-
rum & Virgilium conveniunt ὑποτετυπούμενα,
multa Athenaei, plura Philostrati, & Pausaniae,
unà cum posticis vetustorum nummorum parti-
bus, lapillis variè insignibus, interpretatione
non ingrata, cum bonis, & harum rerum studio-
sis brevi communicare. Intereà haec lector fi-
dei, pignorisque nomine habeto, ac ut citiùs
reliqua prodeant, cum venia laudato. Quòd
verò aliqua clarissimorum virorum nomina ad-
diderim, non ambitiosè factum putes: nec
enim hos novi solùm, qui omnem adhuc aeta-
tem apud exteros traduxi: sed ut pro meritis,
  Link to an image of this page  [A4r p7] memoriaque. & opinione de me publicè,
scriptisque eorum testata, gratiam hac saltem
occasione aliquam haberam, id verò spectavi,
ac deinceps epistolis variis, mutuisque & in
observationibus meis, vel erga mortuos quàm
plurimos σὺν θεῷ cumulatiùs idem praestabo.
Vale, Gandavi Kalen. Ianuariis, anno salutis
omnium M.D.LXIV.

  Link to an image of this page  [A4v p8]

[Click on image to enlarge]

Os, oculos pictor Sambuci reddidit, aptum
Ingenii munus fingere solus amat.